Ligams ei eth hilat d’acompanhament e d’activacion comunitària deth Naut Pirenèu-Aran.
Eth projècte Ligams nèish coma responsa ara solitud non desirada, sustot en persones d’edat, e damb era volontat de dar forma, amassa, a ua comunitat mès integradora e que fomente eth suenh mutuau.
A trauès dera participacion de vesins e vesies d’associacions, Ligams vò refortir eth hilat vesiau entà hèr-lo mès uman e participatiu e garantir qu’arrés se tròbe solet.
Hig-t’i e hem a créisher amassa aguest espaci de trobada e de connexion. Perque toti es ligams compden!
Eth Naut Pirenèu-Aran ei eth territòri damb mès cases unipersonaus de Catalonha: ua de cada tres unitats familiaus ei formada per ua persona.
Aguesta circonstància pòt provocar situacions de solitud non desirada. Entà evità’c, ei important refortir es connexions comunitàries, crear ligams sociaus fòrti e facilitar que totes es persones se tròben acompanhades e poguen contribuïr de manèra significativa ara sua comunitat.
Damb aguest objectiu nèish Ligams, un espaci entà hèr comunitat amassa.
Ligams ei un projècte col·laboratiu que participen Ajuntaments, es servicis sociaus comarcaus e diuèrses entitats sociaus, amassa damb aqueri vesins e vesies que ac desiren.
Eth programa actue a compdar de tres linhes d’accion complementària:
SISTÈMA D’INFORMACION
Ei un estrument des servicis sociaus comarcaus que compagina era sciéncia de donades e es recorsi informatics entà poder detectar es situacions de vulnerabilitat de manèra precoç. Hè possible eth classament des situacions detectades en foncion deth nivèu de risc e permet realizar un seguiment des casi que ac requerisquen.
ACTIVACIÓ COMUNITÀRIA
A trauès dera sensibilizacion e eth guardar sociau, Ligams promò l’activació dera comunitat e eth compromís de persones volontàries e d’agents comunitaris que contribuïsquen a melhorar era qualitat de vida des persones en situacion de risc en entorns de solitud. Per miei de diferenti canaus de comunicacion (per telefòn, App, corrèu electronic) es persones implicades coordinen accions en hilat entà evitar era solitud non desirada e facilitar l’acompanhament.
INTERVENCION COMUNITÀRIA
A cargue d’ua equipa d’activadores comunitàries, encargades de divulgar eth projècte e activar atau era capacitat protectritz dera comunitat, dempús de d’un punt d’enguarda preventiu se promò l’autonomia e eth benestar des persones beneficiàries, en tot retardar, en tot palliar o, quitament, en tot revocar eth procès de deteriorament qu’era solitud pòt provocar ena salut e qualitat de vida des persones.
Pòdes agranir aguesta informacion en tot consultar o en tot descargar es materiaus següents:
Tanben trobaràs mès informacion sobri eth projècte ací.
Entàs persones que se tròben soletes…
- Detectar e intervier de manèra mès rapida e efectiva enes casi de solitud non desirada.
- Aufrir as persones qu’ac agen de besonh un acompanhament personalizat e mès uman.
- Qu’es persones acompanhades poguen víuer en casa e trobar solucions entàs sòns besonhs.
Per a les comunitats…
- Fomentar era creacion de ligams comunitaris fòrti entà facilitar er acompanhament e eth supòrt as persones qu’ac an de besonh.
- Refortir era coesion sociau, especiauments en valors com era etica, era cooperacion e era solidaritat.
- Fomentar era participacion ena comunitat de totes es persones.
